Kryetari i Drenasit, Ramiz Lladrovci, ka deklaruar se kushdo që ka diçka me luftëtarët e UÇK’së, ata janë aty të ju përgjigjen.
Deklaratat së fundi anti-UÇK, ka bërë që edhe Lladrovci të ju përgjigjet duke përdorur një retorikë të ashpër karshi atyre.
Ai tha se kushdo që ka pikëpyetje për luftën e tyre, ata janë aty ‘dem baba dem’.
“Siç e tha kryetari Veseli, kushdo që ka diçka me neve na jemi këtu dem baba dem do të jemi”, tha Lladrovci.
Kjo deklaratë e Lladrovcit vjen pas kryetarit të PDK’së, Kadri Veseli, i cili tha se nuk vihet në pikëpyetje lufta e ushtarëve të UÇK’së.
“Ne jemi krenar me luftën tonë, e kemi shporrur Serbinë s’ka më Serbi, çdo luftëtar i UÇK’së është krenar, ndërsa ata që kanë pikëpyetje ndaj neve që kemi luftu që ku jemi, kur dojnë qysh dojnë ktu jemi”, ka thënë Veseli.
