Deputetja nga Gjilani e Lidhjes Demokratike të Kosovës, Lirie Kajtazi duke folur për koalicionin e mundshëm mes LDK-së dhe LVV-së, ka thënë se LDK dëshiron respekt për votën qytetare.
Kajtazi e cila ishte e vetmja deputete nga LDK që nuk e ka votuar Glauk Konjufcën për kryeparlamentar, në një intervistë për RTK, ka kujtuar kohën kur LDK me 47 deputetë i kishte dhënë postin e kryeministrit Ramush Haradinajt, duke mbajtur për vete postin e Presidentit dhe kryeparlamentarit. Duke u ndërlidhur me këtë, Kajtazi ka thënë se Vetëvendosja duhet ta marrë shembullin e LDK-së, “duhet të jap diçka nga vetja për interesin e përgjithshëm”.
Kajtazi po ashtu ka pohuar se, LVV-së mund t’ia falin gabimet që i ka bërë në raport me LDK-së, “por nuk mund t’ia falin fajin LVV-së, kur ka thënë se LDK nuk din”.
Ajo pa e përmendur emrin e Albin Kurtit dhe ka theksuar se Kosovës nuk i duhet një diktator i ri.
“Kosovës nuk i duhet një diktaror i ri, nuk i duhet një monizëm, por i duhet një pluralizëm… për krijimin e një besimi të ndërsjellë”. Ajo ka shtruar gjithashtu se: “E them për një arsye, që kur pretendon ta përqendrosh tërë pushtetin të një person, ajo e ka një emër”.
Mesazhi i Kajtazit për veprimet e të ardhmes ishte se “ky është një shembull i mirë i cili të mëson që mos me u lidhë vetëm me një partner”.
