(Në Libi punonin 1500 punëtorë nga Kosova, 50 shqiptarë studionin).
Shkruan: Mulaim Shehu
Do të bëjmë një elaborim objektiv dhe tejet të shkurtër vetëm në aspektin ekonomik, meqë disa me çdo kusht ia mbajnë pajën ish-regjimit, ndërsa disa të tjerë me çdo kusht arsyetojnë ndërhyrjen e perëndimorëve në Lindje/Libi!
Dje: Regjimi i M. Gadafit, sipas temperamentit të tij!
Sot: Anarkia e sjellur nga përëndimorët (SHBA-ja, Anglia, Franca, Italia)
Dje: 1 din.lib.= 3.75$
Sot: 5 din.lib.= 1.$
Një rrogë më e ulët:
Dje: 300 d.l. = 3000 kg. miell.
Sot: 300 d.l. = 1500 kg. miell, por para shitoreve dhe furrave shpeshherë bëhet rrëmujë për bukë!
Dje: 300 d.l. = 2000 lit.benzinë
Sot: 300 d.l. = 2000 lit. benzinë, por para pompave të benzinës bëhet kolonë e gjatë për pritje dhe shpeshherë nuk ka fare.
Dje: 300 d.l. = 1500 kg. oriz
Sot: 300 d.l. = 1000 kg. oriz, por shpeshherë nuk ka!
Dje: 300 d.l. = 1500 kg. sheqer.
Sot: 300 d.l. = 1000 kg. sheqer, shpeshherë bëhet rrëmujë!
Dje: Uji gratis dhe me bollëk!
Sot: Uji gratis, por shpeshherë ndërpritet!
Dje: Rryma me pagesë simbolike dhe me bollëk!
Sot: Rryma me pagesë simbolike, por shpeshherë ndërpritet, në disa qytete ndërprerja e saj është 8-10 orë!
Dje: Arsimi dhe shëndetësia gratis.
Sot: Vende-vende muk ka as arsim dhe as shëndetësi.
Dje: Studentët libianë në Perëndim!
Sot: Libianët refugjatë në Perëndim!
Dje: Ke mund të udhëtosh lirshëm 2500 km. nga skaji në skaj pa kurrfarë problemi, duke mos të munguar fija e flokut.
Sot: Ka vende që janë shumë të pasigurta andaj mund ta marrësh qefinin me veti!
Dje: Stadiumet e futbollit etj. përplot me shikues!
Sot: Ndeshjet shikohen vetëm përmes TV-së!
Dje: PTT, Telefoni Medar a Libiano dhe rrjeti social funksionin pa pengesa!
Sot: PTT,Telefoni Medar a Libiano dhe rrjeti social funksinojnë me ndërprerje të shpeshta dhe të gjata! Dje: Ari i zi shitej në të bardhë!
Sot: Ari i zi “shitet” në të zezë, sepse ujku do mjegull!
Dje: Ka ndodh që ndonjë nënë të ketë vajtuar për djalin e saj të humbur/të ekzekutuar !
Sot: Ajo nënë vajton për fëmijët, nipat dhe mbesat e saj!
Dje: Në prag të përfundimit të ndërtimit 250000 banesa të reja.
Sot: Janë të shkatërruar 250000 banesa.
Dje: Libisë i kishin borgj SHBA-ja, Anglia, Franca, Italian, Kina, Rusia etj.
Sot: Libia u ka borgj këtyre shteteve!!!!!!
Dje: Në Libi punonin 1500 punëtorë shqiptarë nga Kosova.
Sot: Punojnë 5 shqiptarë.
Dje: Në Libi ishin 50 studentë, nxënës shqiptarë.
Sot: Në Libi janë 5 studentë, nxënës shqiptarë!
Dje: Libia nuk e pranoi Kosovën, por ishte e frytshme për punëtorët dhe studentë shqiptarë, meqë ajo e pranonte pasasportën e UNMK-ut dhe të Kosovës!
Sot: Libia e pranoi Kosovën, por është e pafuqishme dhe e pafrytshme!
Prandaj dallimi ndërmjet DJE dhe SOT në Libi është si nata me ditë.
Kështu kemi tentuar që të jemi sa më objektiv, në mënyrë që lexuesi të sheh se cila na qenka DITA, e cila NATA!
KURIOZITET i vetëm që nuk ka ndryshuar “sot nga dje” është se në pasaportën libiane në fq. 1 pos tjerash shkruan:
“Kjo pasaportë është e vlefshëm për udhëtim në të gjitha shtetet, më përjashtim në Palestinën e okupuar”.
Këto janë vetëm disa nga karakteristikat e këtij vendi për “dje dhe sot”!
Tani libianët thonë: Dje kërkonin shumë pasuri, kurse sot kërkojmë vetëm siguri!
