Zëvendëskryeministri i Kosovës Driton Selmanaj, në një lidhje direkte për emisionin “Opinion”, ka treguar se cilat kanë qenë bisedimet në Uashington, për të cilën Kosova kishte refuzuar të ishte pjesë e Minishengenit Ballkanik, ku bën pjesë Shqipëria, Maqedonia e Veriut dhe Serbisë.
Selmanaj u shpreh se pjesëmarrja në Minishengenin Ballkanik ka qenë kërkesë e vetë Presidentit amerikan Donald Trump.
“Kur ne kemi shprehur rezervat tona kemi thënë është e papranueshme të bëhemi pjesë e një projekti sepse rruga jonë është e qartë, është Bashkimi Evropian. Na është thënë që çështja e minishengenit është kërkesë e Presidentit Trump. Ju lutem që këta ta pranoni, dhe këtë e pranuam kështu”.
Një tjetër pikë e marrëveshjes është vendimi që Kosova të mos aplikojë për 1 vit për t’u anëtarësuar në organizmat ndërkombëtare, për të cilën zv/Kryeministri nga Kosova ka dhënë sqarime.
“Pika e dytë ka qenë rezerva që a duhet Kosova të ketë moratorium për mos anëtarësim në organizma ndërkombëtarë. Kemi vlerësuar që më shumë i bëjmë dëm shtetit të Kosovës nëse aplikojmë dhe nuk pranohemi”, tha mes tjerash Selmanaj.
E, në këtë paraqitje të drejtpërdrejt, zëvendëskryeministri Selmanaj i ka japë një goditje edhe gazetarit Baton Haxhiu lidhur me çështjen e territorit të Kosovës.
Driton Selmanaj: “Ne jemi të bindur se kjo marrëveshje është hapi i parë drejt njohjes reciproke e ku territori i Kosovës nuk preket”.
Baton Haxhiu: Leje territorin, kur?
Driton Selmanaj: Jo është shumë i rëndësishëm territori, pasi ju keni qenë avokat i saj. Është shumë e rendesishme. Kosova nuk do të preket ne territorin e saj.
Ne vazhdim, mund ta shikoni ballafaqimin Selmanaj-Haxhiu nga minuta e 32:00.
