Deputeti i Partisë Demokratike të Kosovës (PDK), Xhavit Haliti, ka thënë se nuk e ka pasur për detyrë që të qëndrojë në Kosovë dhe t’i bëj kourumin Vjosa Osmanit për presidente.
Haliti në Klan Kosova ka thënë se qëndrimi i tij ka qenë zyrtar në lidhje me votimin për president, por që nuk i ka kërkuar askush dhe nuk e ka pasur detyrë që në vikend të qëndrojë në Kosovë.
“Unë kam pasur qëndrim zyrtar dhe kam thënë se deputetët duhet të qëndrojnë në sallë në momentin kur zgjidhet presidenti. Asnjëherë nuk kam thënë që duhet të qëndrojnë në Kuvend nëse zgjidhet për president një emër i caktuar”, ka thënë ai.
Tutje Haliti ka thënë se deputetët duhet të jenë të lirë dhe të mos komandohen.
“Pavarësia e deputetit duhet të jetë në rend të parë dhe jo të komandohet nga kryetari i partisë”, është shprehur ai.
Ndryshe kjo është paraqitja e parë e Xhavit Haliti pas zgjedhjes së Vjosa Osmanit presidente. Gjatë ditës së diele emri i tij ishte më i lakuar në media pasi që po përmendej si emër i mundshëm që do të vije për t’i bërë kuorumin presidentes aktuale, pasi nuk e kishte ende.
