Vendimi i djeshëm i ministrit Hekuran Murati për t’i bërë publike emrat e kompanive që përfituan nga mbështetja e qeverisë, bëri bujë të madhe gjithandej nëpër media dhe rrjete sociale.
U kritikua ministri Murati për shkak të transparencës së tij, e të cilën në fakt, është duke e kërkuar me ngulm bashkësia ndërkombëtare. Për më tepër, transparenca e qeverisë është parakusht për zhvillimin dhe rimëkëmbjen e vendit.
I shpejt ka qenë edhe reagimi i Dr. Mustafë Bajramit. Ai i doli në krah ministrit duke thënë se kjo është një nismë e mbarë të cilën jemi duke e pritur për vite.
Në shkrimin e tij Bajrami ka përmendur edhe ish-ministres Hykmete Bajrami, e cila kritikoi me pa të drejtë ministrin Murati.
“Ishte një reagim qesharak i saj” ka shtuar Bajrami.
Bajrami gjithashtu ka thënë se vendi është dëmtuar shumë nga jo-transparenca e deritanishme dhe nga mashtrimet që i janë bërë BE-së dhe mikut tonë historik, Shteteve të Bashkuara të Amerikës.
Në fund të shkrimit të tij, Dr Bajrami ka shtruar këtë pyetje: Kush po e mashtron Evropën & Amerikën, kush e paska mashtruar deri më tani dhe kush po e mashtron edhe më tutje këtë popull të mashtruar qe 20 vjet: Kjo qeveri që është betuar për transparencë e të cilën po e mbështetë e gjithë bota demokratike, apo ato që ishin përpara e për të cilat s’ka raport në botë që është botuar e nuk janë kritikuar me fjalët më të ashpra…?!?
Më poshtë gjeni shkrimin e plotë në llogarinë e tij në Facebook:
Turpi e mashtrimi nuk paskan skej!
BE-ja, duke dashtë me na ndihmuar në këtë kohë pandemie, Kosovës ia jep 100 milion euro dhe i thotë se duhet transparencë se ku do të harxhohen ato para dhe kujt do t’i jepen. Avdullah Hoti i shpërndanë 60 milion euro, kryesisht korporatave të mëdha që s’kishin nevojë për ndihma. E mashtron BE-në, siç thotë populli, në titër të ditës, duke mos treguar se kujt ja ka dhënë atë shumë kaq të madhe të parave.
Qohet dje ministri Hekuran Murati, i rekomanduar nga Kryeministri Kurti dhe i qet emrat e përfituesve. Opozita me mediat e saja “kallen” gjithë ditën duke kritikuar ministrin Murati e duke mashtruar opinionin me lloj-lloj shpifje. Mbi të gjitha, ish-ministrja Hykmete Bajrami na del me deklaratat e saj bombastike dhe qesharake duke kritikuar qeverinë Kurti se paskësh bë turp që ka treguar se kujt i janë dhënë ato mjete.
Si për inati të Avdullah Hotit e kësaj ministreje, sot reagon Shefi i BE-së duke e lavdëruar me fjalët më të mëdha Hekuran Muratin, plus, duke i shprehur mirënjohje për transparencën e treguar. Mbi të gjitha, duke thënë se ky është fillim i mbarë të cilin e kemi pritur qe sa kohë.
Atëherë, shtrohet pyetja: Kush po e mashtron Evropën & Amerikën, kush e paska mashtruar deri më tani dhe kush po e mashtron edhe më tutje këtë popull të mashtruar qe 20 vjet:
Kjo qeveri që është betuar për transparencë e të cilën po e mbështetë e gjithë bota demokratike, apo ato që ishin përpara e për të cilat s’ka raport në botë që është botuar e nuk janë kritikuar me fjalët më të ashpra…?!?
