Nga pozitën që e shpiku qeveria e kaluar, atë të “Koordinatorit Nacional”, Qeveria Kurti ka shkarkuar sot gjithë koordinatorët.
Me vendimin e sotëm të Qeverisë Kurti, nënkuptohet se sot u shkarkua Rexhep Hoti nga posti i Koordinatorit për Kulturë, Rini dhe Sport, Besnik Tahiri nga posti i Koorindatorit Nacional për Reforma Shtetërore, Mendim Rugova (djali i ish-presidentit Ibrahim Rugova) nga posti i Koordinatorit Nacional për Ndryshime Klimatike dhe Çështje të Ambientit, Fatos Makolli nga posti i Koordinatorit kundër ekstremizmit të dhunshëm dhe terrorizmit si Burim Ramadani nga posti i Koordinatorit Nacional për Integrim dhe Anëtarësim në NATO, shkruan Gazeta Sinjali.
Ndërsa, Avullah Hasani ka dhënë dorëheqje dje nga pozita e shefit të Task Forcës Kundër Narkotikëve te të rinjtë dhe Siguri në shkolla. Lidhur me dorëheqjen e tij është njoftuar edhe kryeministri Kurti.
