Politika shtetërore serbe për fshehjen e krimeve nuk ka pushuar së vepruari asnjëherë. Struktura të tëra shtetërore kanë qenë të angazhuara sistematikisht për fshehjen e krimit të gjenocidit.
Duke qenë se ndodhej para një krimi të madh që kishte kryer – e të cilin askush nuk mund ta mohonte, Qeveria e Beogradit futi në përdorim diskursin propagandistik se, kinse krimet nuk po kryheshin nga ushtria dhe policia e rregullt, por nga “grupe të caktuara” të cilat shteti nuk po arrinte t’i kontrollonte.
Shteti serb krijoi termet si “strukturë paramilitare”, “grup paramilitar” etj., vetëm e vetëm për ta larguar nga përgjegjësia ushtrinë dhe policinë shtetërore. Por, shkresat dhe dokumentacioni shtetëror i kohës, flet ndryshe. Të gjitha “strukturat paramilitare”, “grupet paramilitare” etj., patën një komandë të përbashkët: udhëheqjen e lartë shtetërore të Serbisë, respektivisht të ish-Republikës Federative të Jugosllavisë. I përmendëm disa komandant dhe pjestarë të forcave sic i quante shteti serb “paramilitare” si Gurin, Popin, Peki, Tafarelli, Sesel, Sheki, etj etj.
Por kush janë këta persona dhe cfar roli kishin në zingjirin komandues të strukturave të sigurisë së Serbisë. Më poshtë do t’i sjellim disa dëshmi të cilat tregojnë se si udhëheqja shtetërore jepte urdhra për strukturat e ashtuquajtura “paramilitare”.
Nga grupet më famëkëqija ishte njësiti “Pecka regija-2”, krimet e të cilit peshojnë shumë rëndë. Ky grup i njesisë speciale ka kryer shumë krime në rajonin e Pejës që prej fillimit të luftës, por me fillimin e bombardimeve të NATO-s, me një urdhër nga lart, “Pecka regija-2”, u shkri në grupin paraushtarak me emrin “Operativna Poterne Grupe” (Grupi i Ndjekjes Operative) me seli në Hajvali të Prishtinës.
“Operativna Poterne Grupe” komandohej nga Goran Radosavleviq – i ashtuquajturi “GURI”. Ky “GURI” i ka pasur në vartësi edhe disa nëngrupe të tjera paraushtarake të kësaj natyre të cilat i komandonin: Sreten Popoviq “POPI”, pastaj Predrag Vujisiq “PEKI”, Zoran Saviq “SAVKE” dhe “VUK”, Predrag Grbiq “GRBA” etj. Këta kishin organizuar përzënien masive të shqiptarëve nga shtëpitë e tyre, kishin vrarë disa persona civilë në depon e firmës “Albi Komerc” në Prishtinë, kishin minuar dhe pastaj e kishin hedhur në erë kafiterinë “Koha” në Prishtinë, me ç’rast ishin vrarë disa civilë të pafajshëm shqiptarë; e kishin minuar spitalin “Rezonanca Magtenike” në Prishtinë, ku kishte pasur viktima.
Për më shumë detaje të krimeve në Prishtinë redaksia UDHËVE do të raportojë emisionet e radhës. Dokumentet po ashtu dëshmojnë faktin se Goran Radosavleviq “GURI” gjatë kësaj kohe takohej së paku një herë në ditë me shefin e policisë serbe për Kosovën, Sreten Llukiq dhe me ndihmësin e tij Zharko Brakoviq, nga të cilët ai merrte urdhra dhe instruksione të cilat më pas i realizonte me trupat e tij kriminale. Dokumenti të cilit po i referohemi, dëshmon faktin se “GURI” një herë kishte realizuar edhe një takim me Nikola Shainoviqin, i cili atëherë kishte qenë nënkryetar i Qeverisë së Serbisë. Pasi e kishin zbrazur tërësisht Prishtinën, Goran Radosavleviq “GURI” me njësitin e tij e kishte vazhduar spastrimin etnik në Mitrovicë, pastaj në fshatrat shqiptare rrëzë Qyqavicës, në Shalë të Bajgorës etj.
Më poshtë po e sjellim një listë me emrat e vërtetë dhe nofkat e pjesëtarëve të formacioneve që kryen krime të rënda duke përfshirë edhe vrasjet e civilëve shqiptarë në Prishtinë, Mitrovicë dhe Pejë: Predrag Visiq “PEKI” Dragan Savoviq – “SAVKE-SUMSKI” Predrag Grbiq – “GRBA” Tomislav Jankoviq – “TOMICA” dhe “LUDI TOMA” Vojslav Dimiq – “VOJA” Dragan Markoviq -“CANE” Dusko Albijaniq – “DULE” Namenja Saleviq -“NECE” Mihjalo Qudoviq – “QUDA” Vladeta Krestoviq – “QUQA” Sreten Popoviq – “POP” Milan Jashanoviq – “JOSKA” Dragoslav Jankoviq – “GJEJ” Milos Stojanoviq -“SESEL” Aleksandar Nikoliq – “SPECIALAC” Milutin Vasiq – “VASKE” Slavisa Dimiq – “DIMKE” Sasa Qudoviq Boshko Raiqeviq Igor Torlak Pastaj edhe disa pseudonime, emrat e vërtetë të të cilëve nuk kemi mundur t’i gjejmë: “PAVAROTI” “MAFIJA” “ZHEBELAN” “MINJA” etj.
Edhe vet Goran Radosavljevic-Guri në një intervistë për një televizion serb para disa vitesh konfirmon se njësiti që ai e kishte themeluar dhe udhëhequr gjatë luftës në Kosovë ka qenë njësit i rregullt në kuadër të MUP-it. Goran Radosavljevic-Guri, pas rënies së Millosheviqit, thirret nga kryeministri i atëherëshëm Zoran Gjingjiq i cili i kërkon Gurit që ta themelojë Njësitin Special Zhandarmëria, sipas konceptit sic e kishte formuar njësitin special gjatë luftës në Kosovë. Guri ka udhëhequr edhe operacionin për kryerjen e masakrës së Recakut si dhe dyshohet se kishte dhënë urdhër për vrasjen e vëllezërve Bytyqi.
