Kryetari i Lëvizjes Vetëvendosje, Albin Kurti u ka kthyer letrat e urimit që i erdhën atij ditë më parë nga presidenti i Turqisë, Recep Tayyip Erdogan, dhe kryeministri i Izraelit, Benjamin Netanyahu, raporton Kosova Post
Në letrën falënderuese që Kurti i ka kthyer Erdoganit, shkruan se qytetarët e Kosovës më 14 shkurt vendosën që përmes zgjedhjeve demokratike të ndryshojnë të ardhmen e tyre.
“Sapo Qeveria të formohet, do të shikoj të thellojmë marrëdhëniet tona përmes një bashkëpunimi të hapur”, shkruan Kurti në letrën falënderuese për Erdoganin.
Ai tutje thotë se shqiptarët në Turqi dhe turqit në Kosovë janë urë lidhëse e miqësisë në mes dy vendeve tona.
Në letrën falënderuese për kryeministrin izraelit, Netanyahu, Kurti thotë se e mirëpret faktin që marrëdhëniet në mes dy popujve kanë arritur në lidhje diplomatike në mes dy vendeve.
“Unë e shoh këtë si një mundësi të forcimit të bashkëpunimit tonë politik, ekonomik dhe kulturor. Si kryeministër i ardhshëm i Republikës së Kosovës, do të jep i nderuar të adresojë çështjet relevante të komunitetit hebrej dhe trashëgimisë së saj në vendin tonë”, shkruan Kurti në letrën falënderuese dërguar Netanyahut.
Ndryshe në këto letra Kurti nuk ka përmendur çështjen e hapjes së ambasadës së Kosovës në Jerusalem, ndonëse kjo çështje është bërë temë diskutimi kohëve të fundit.
“Kombi jonë historikisht ka respektuar komunitetin hebre. Si kryeministër i ardhshëm i Republikës së Kosovës, do të isha i nderuar të adresoj çështjet e komunitetit hebre dhe trashëgimisë së vet në shtetin tonë. Teksa shtetet tona po vendosin marrëdhënie diplomatike, synoj të zgjerojmë e thellojmë bashkëpunimin tonë në të ardhmen. Faleminderit për ftesën që të vizitoj shtetin tuaj mik, të cilën gjë do ta bëj në një kohë të përshtatshme për të dy palët”, ka shkruar Kurti në letrën e tij për Netanyahun.
Në anën tjetër, në letrën drejtuar Erdoganit, Kurti ka falënderuar atë për rolin që Turqia ka pasur në kohët vendimtare për shtetin e Kosovës.
“Ne jemi shumë mirënjohës për ndihmesën e Turqisë ndaj shtetit dhe shoqërisë në kohën më deçizive për vendin tonë. Kur qeveria jonë të formohet, synoj të zgjerojmë dhe thellojmë raportet tona përmes komunikimit dhe bashkëpunimit të hapur e të sinqertë”, ka shkruar Kurti.
“Ne e vlerësojmë rolin e turqve në Kosovë dhe ata do të vazhdojnë të luajnë një loj të rëndësishëm në qeverinë time po ashtu”.
