Kryeministri i Kosovës, Albin Kurti ka deklaruar se presidenti Hashim Thaçi po u ik takimeve më te.
Ai ka kujtuar se dikur Thaçi ishte i interesuar ta takojë atë kur ishte koha për formimin e Qeverisë, por jo edhe tani. Kurti ka deklaruar se po ta gjente tani Thaçin do të zhvillonte takim edhe 40 minuta.
Derisa presidenti Thaçi e kishte thirrur të mandatuarin për kryeministër, Kurti në atë takim kishte qendruar tejet shkurt, madje vetëm 4 minuta, e kur u pyet nga gazetarja e Kosova Post se a do qëndronte më gjatë në takimin me presidentin Thaçi, Kurti duke buzëqeshur u përgjigje se tani do qëndronte edhe më shumë se 40 minuta, por sipas tij s’ka kush që e gjen më.
“S’ka qenë takim 10 minuta, ka qenë 4 minuta, veçse unë jam i interesuar tash edhe për një takim me shumë se 40 minuta por s’ka kush që e gjen më. Kur fillojë numërimi teposhtë ka pasur interesim të më takojë, mirëpo jo tash“ u përgjigj Kurti duke buzëqeshur.
