Yll Rugova sot është emëruar zëvendësministër në Ministrinë e Kulturës, Rinisë dhe Sportit.
Kryeministri i Republikës së Kosovës, Albin Kurti, ka emëruar Yll Rugovën, zëvendësministër në Ministrinë e Kulturës, Rinisë dhe Sportit.
“Yll Rugova, u lind më 1984 në Prishtinë. Ka mbaruar studimet bazike dhe ato të masterit për Dizajn Grafik në Fakultetin e Arteve, Universiteti i Prishtinës”, thuhet në një njoftim për media.
Tutje, bëhet e ditur se i njëjti ka qenë drejtor i Kulturës në Komunën e Prishtinës.
“Ka qenë Drejtor i Kulturës në Komunën e Prishtinës nga radhët e Lëvizjes VETËVENDOSJE! në fillim të legjislaturës së fundit. Themelues i hapësirës ekspozuese për artet pamore “Motrat” në Prishtinë, ndërkohë që ka ushtruar veprimtarinë profesionale kreative edhe përmes grupit të dizajnit “Tembelat”, thuhet në kumtesë.
