Kryeministri i Kosovës, Avdullah Hoti, ka deklaruar se për emërimin e Flakron Shalës si konsull në Çeki është njoftuar nga mediat dhe se kjo është bërë pa koordinimin e tij.
Me një postim në Facebook, Hoti theksoi se Qeveria e tij është në proces të analizimit dhe rishikimit funksional të rrjetit të misioneve diplomatike.
“Për emërimin e Konsullit të Përgjithshëm të Republikës Kosovës në Pragë të Çekisë, jam njoftuar nga mediat. Ky emërim nuk është koordinuar me mua”.
“Qeveria është në proces të analizimit dhe rishikimit funksional të rrjetit të misioneve diplomatike. Pas kësaj analize do të ndërmerren të gjitha veprimet e nevojshme për të siguruar funksionim efikas të misioneve diplomatike dhe do të sigurohemi që përbërja e këtyre misioneve të jetë në përputhje me ligjin”, ka shkruar kryeministri, Avdullah Hoti.
