Ndërkohë që numri i personave që kanë humbur jetën në mbarë botën për shkak të koronavirusit të tipit të ri (Covid-19) ka arritur mbi 165 mijë, numri i personave të infektuar është mbi 2 milionë e 407 mijë ndërsa numri i të shëruarve është mbi 625 mijë.
Në Shtetet e Bashkuara të Amerikës, që janë në pozicionin e qendrës së epidemisë numri i të vdekurve ka arritur në 40 mijë e 585 ndërsa numri i të infektuarve arriti në 742 mijë e 422. Bill de Blasio, Guvernatori i Nju-Jorkut, ku janë shënuar më shumë vdekje, akuzoi Presidentin Donald Trump se ka braktisur Nju-Jorkun në luftën kundër koronavirusit duke thënë “Të është lidhur gjuha? A do ta shpëtosh Nju-Jorkun apo thua ‘lëre të vdesë’? Nga ana tjetër në Kolorado, Montana, Arizona ku janë shumica e mbështetësve të Trumpit, u mbajtën protesta për heqjen e masave dhe kufizimeve të vendosura për shkak të luftës kundër epidemisë së koronavirust. Pavarësisht direktivave për “të qëndruar në shtëpi” tërhoqi vëmendjen fakti se shumica nuk mbante maska dhe nuk respektonin distancën sociale.
Në Itali, gjatë 24 orëve të fundit, numri i viktimave u rrit me 433 duke arritur në 23 mijë e 660 ndërsa numri i të infektuarve kaloi 108 mijë.
Në Francë numri i viktimave është shtuar me 395 në 24 orët e fundit duke e çuar në 19 mijë e 718 numrin e vdekjeve në total kurse numri i të infektuarve u rrit me 7 mijë e 701 duke arritur në 175 mijë e 942. Ndërkaq në një deklaratë të bërë nga Bashkia e kryeqytetit Paris, në kampionët e marrë nga uji që përdoret për pastrimin e rrugëve të qytetit është hasur në Covid-19. Në kryeqytet është ndërprerë përdorimi i ujit. Kryeministri, Edouard Philippe në konferencën për shtyp të dhënë së bashku me ministrin e Shëndetësisë, Olivier Veran tha: “Duhet të presim shumë kohë përpara ti kthehemi jetës përpara epidemisë”.
Në Gjermani numri i viktimave ka arritur në 4 mijë e 586 ndërsa numri i të infektuarve është afërsisht 145 mijë e 185. Në këtë vend së fundmi kanë humbur jetën 8 turq duke e çuar numrin e turqve të vdekur në këtë vend që prej fillimit të koronavirusit në 87.
Zv/Kryeministri dhe njëkohësisht ministri i Punëve të Jashtme të Republikës Turke të Qipros së Veriut (RTQV), Kudret Ozersaj tha se 80 turq të RTQV-së kanë humbur jetën në Angli për shkak të Covid-19.
Në Amerikën Latine numri i të infektuarve kaloi 100 mijë.
Në Brazil, ku u regjistrua vdekja e parë dhe është vendi më i prekur në këtë rajon, numri i viktimave arriti në 2 mijë e 462 ndërsa ka 38 mijë e 654 të infektuar.
Kurse në vendet e tjera raporti vdekje/infektim është: Ekuadori 474/9 mijë 468, Kili 133/10 mijë 88, Peruja 400/15 mijë 628, Kolumbia 179/3 mijë 792, Argjentina 132/2 mijë 839, Uruguai 10/517, Bolivia 32/520, Venezuela 9/256, Paraguai 8/206, Meksika 650/7 mijë 497, Panamaja 120/4 mijë 273, Republika Dominikane 226/4 mijë 680, Kuba 34/1mijë e 35, Kosta-Rika 5/660, Hondurasi 46/472, Guatemala 7/257, Salvadori 7/201, Haiti 3/47 dhe Nikaragua 2 /10.
Në Republikën e Afrikës së Jugut, ku për shkak të koronavirusit të ri kanë humbur jetën 52 persona, në Johanesburg, ku zbatohet ndalimqarkullimi, jeta pothuajse ka ndaluar. Të pastrehët, që kanë mbetur të uritur në rrugët e boshatisura, kanë filluar të ndalin makinat dhe tu bien zileve të apartamenteve për të kërkuar për të ngrënë.
Në Irak u deklarua se ka filluar lehtësimi i kufizimeve të vëna në tregti dhe biznes që nga 17 marsi e deri më sot për shkak të koronavirusit. Me kushtin që përveç periudhës së ndalim qarkullit bizneset, fabrika dhe punishtet të respektojnë rregullat e shëndetësisë ato do të mund të hapen dhe të fillojnë punën. Gjithashtu është lehtësuar edhe qarkullimi gjatë periudhës së muajit të ramazanit. Sipas orës lokale do të ketë ndalim qarkullimi gjatë orës 19.00-06.00. Në këtë vend kanë vdekur 82 persona dhe janë infektuar një mijë e 539 të tjerë.
Në Sri-Lanka ku 7 persona kanë humbur jetën dhe 295 të tjerë janë infektuar, është hequr përkohësisht ndalimqarkullimi 24 orësh që zbatohej prej 20 marsit. Ndërkohë që në kryeqytet, Kolombo dhe disa rajone të tjera ndalimqarkullimi do të vazhdojë deri të mërkurën, institucionet publike, bizneset dhe kompanitë do të jenë të hapura. Në mbarë vendin ndalimqarkullimi do të vazhdojë gjatë orës 20.00-05.00.
