Nëse përgatitjet nëpër shkolla nuk kryhen sipas rekomandimeve të Institutit Kombëtar të Shëndetit Publik, atëherë do të kërkojmë përsëri të shtyet nisja e procesit mësimor, tha Rrahman Jasharaj, kryetar i Sinidikatës së Arsimit për “Syri.net”.
Sipas tij shkollat nuk duhet të shëndrrohen në vatra të përhapjes së pandemisë së virusit korona, por duhet të ruhen nxënësimit, mësimdhënësit e familjarët e tyre. Shkollat duhet pajisur me mjete higjenike, duhet mbahet distanca, duhet zëvendsuar mësmimdhënësit e sëmurë e çështje tjera.
“Ne e kemi analizuar situatën e aktuale, duke parë se nuk janë përgatitur shkollat kemi apeluar për anulimin e mësimit dhe është marr vendimi që procesi mësimor të mos nisë para 14 shtatorit”, tha Jasharaj.
Sipas kreut të SBAShK-ut nëse nuk plotësohen kushtet sipas rekomandimeve të IKSHP-së përsëri do të lutemi për shtyerje të procesit mësimor
“Kishte mjaft kohë për përgatitje disa muajshe, por institucionet arsimore kanë menduar se janë punë të lehta, por nuk arritën ti kryejnë sipas rekomandimeve të IKSHP-së. Duhet përgaitjtje konkrete funrizim të shkolave me dezinfektues e mjete higjenike, ndarja në grupe më të vogëla të nxënësve në klasa apo distanca, zëvendwsimin e mësuesëve të sëmurë e masat tjera”, tha Jasharaj.
Kreu i SBASHK-ut, shtoi se është vendosur që të shtyhet dhe është paraparë që mësimi të nisë me 14 shtator në disa faza dhe të nisë plotësisht.
Por sipas tij nëse nuk përgatiten shkollat sipas rekomandimeve të IKSHP-së, prapë do të analizojnë e kërkojnë të shtyhet mësimi.
“Nuk jemi për shtyerje e zhagitje të procesit mësimor, por për krijimin e kushteve adeukate me qëllim të mos infektimit të nxënësve, mësimdhënësve e familjarëve të tyre”, tha Rrahman Jasharaj.
Ai uron që të bëhen përgatitjet e duhura sipas rekomnadimeve deri me 14 shtator, kur edhe është planifikuar fillimi i vitit të ri shkollor.
E nëse institucionet përkatëse nuk i kryejnë detyrat si duhet deri me 14 shtator, përsëri do të anlaizohen punët a janë realizuar sipas rekomandimeve dhe SBASHK-u nëse gjen parregullësi, përsëri do të apelojn për mos fillimin e procesit mësimor.
Nga ana tjetër ka reaguar Këshilli për Mbrojtjen e të Drejtave e të Lirive të Njeriut duke thënë se SBASHK-u nuk mund t’i ketë përgjegjësitë e Ministrisë së Arsimit.
KMDLNJ thotë se SBASHK-u ka arritur që për një kohë të paralizojë krejtësisht procesin arsimor.
Sipas tyre është bërë si rregull që në çdo fillim të vitit shkollor, SBASHK-u të dalë me kërkesa që jo rrallë herë e kanë formën dhe përmbajtjen e shantazhimit klasik e që është e dënueshme me ligjet në fuqi në Kosovë dhe duke i vënë ultimatum Ministrisë së Arsimit dhe Qeverisë së Kosovës për përmbushjen e këtyre kërkesave e që jo gjithmonë janë në fushëveprimin sindikalist. Në këtë mënyrë SBASHK –u përmes disa udhëheqësve e ruan kondicionin sikur që e riciklojnë protagonizmin personal e jo sindikal.
KMDLNj ka reaguar disa herë kundër këtyre kushtëzimeve të SBASHk-ut të cilët botërisht kanë deklaruar se ata kujdesen dhe mbrojnë mësuesit , arsimtarët dhe profesorët dhe se nuk është përgjegjësi e tyre të kujdesen për përmirësimin e kushteve për nxënës , përmirësimin e procesit të mësimdhënies dhe mësimnxënies apo sigurimin e fondeve për nxënës me gjendje të rënduar materiale.
