Opinjonistja Kimete Berisha ka komentuar kërcenimin e Gardës Vullnetare Shqiptare ndaj kryeministrit në detyrë Albin Kurti, përcjell KosovaPost.
Ajo ka pyetur se përse kjo “Gardë” nuk ia ndaloj protestat e PAN-it, përcjell Kosova Post.
” A m’u tutë që po vdesim uni;
– a m’u tutë prej Hashim Thaçit;
– m’u tutë që po vdesim nga frika prej vdekjes apo
– nga frika prej vrasjes nga ‘Garda Vullnetare Shqiptare’” ka shkruar Berisha.
Postimi i saj i plotë:
Është interesant se ‘Garda Vullnetare Shqiptare’ PAN-it nuk ia ndaloi protestat.
Një ‘Gardë’ vullnetare shqiptare, me shqiponjën në krye të shpalljes së dënimit me vdekje, vullnetarisht ka shprehur gatishmërinë që ta shfarosë popullin shqiptar, siç kanë thënë ‘ata’ për të ‘mirën’ e vendit.
Albin Kurti u kërcënua me jetë për organizimin e protestës (më 29 Maj 2020), kurse populli u kërcënua me jetë për pjesëmarrje në protestë.
Pra, u kërcënua populli me shfarosje, se pa pjesëmarrjen e popullit protesta nuk mbahet.
Dhe vlen të theksohet se vetëm popullit shqiptar
i ndalohet pjesëmarrja në protestë, kërcënimi i ‘Gardës’ nuk vlen për popujt tjerë.
Kush është ajo ‘Gardë’ që e kërcënon popullin (shqiptar) me vrasje masive nëse merr pjesë në protesta paqësore!
PDK-ja nuk e merr seriozisht kur kërcënohet populli, sepse e ka ndarë popullin në ‘popull të Vetëvendosjes’ dhe në ‘popull të PDK-së’.
Prandaj, SHIK-u i ka ‘dyshimet’ e veta.
Po çuditet SHIK-u që paska edhe ‘Garda’ të tjera që shkruajnë komunikata si ‘këta’ dikur.
Meqenëse na u kanë tubu shumë lloje të frikave, s’din njeri prej çkahit m’u tutë më përpara:
– a m’u tutë që po vdesim uni;
– a m’u tutë prej Hashim Thaçit;
– m’u tutë që po vdesim nga frika prej vdekjes apo
– nga frika prej vrasjes nga ‘Garda Vullnetare Shqiptare’!
Dilema se cilën frikë ta zgjedhim për përdorim të brendshëm, kemi vendosur mos m’u tutë
hiç, dhe kështu që të gjitha frikat m’i trajtu barabartë, me mospërfillje.
Kriminelët nuk gjykohen nga drejtëshkrimi, si kjo ‘Garda’ që kërcënon shfarosjen e popullit (shqiptar) me dhjetëra gabime gjuhësore, por gjykohen nga nevoja e tyre e përgjakshme për të frikësuar popullin nga Vetëvendosja.
Kujt i konvenon që të frikësohet populli nga protestat e Vetëvendosjes?
Veç Albinit Jo.
Është interesant se ‘Garda Vullnetare Shqiptare’ këtyre partive të tjera nuk ua ndaloi protestat.
Agata Kristi menjëherë këtu në këtë pikë i kish nis hetimet.
Prandaj, kërkojeni soldateskën, se do ta gjeni diku mes rreshtave.
P.S. Bre para do dite e kish çky dikush një mace t’murrme para ballkonit tim, bash tek penxhereja ime, e unë budallica në vend se me thirr milicinë, e thirra hortikulturën në ndihmë.
Nuk rrej, më shkoj mendja me fotografu macen e me shfrytëzu rastin m’u ‘viktimizu’ pak, por s’dojsha me ja ngi zemrën dushmanit, nuk ankohem bre kurrë (kur duan soldateska), veç kur dua vet, e vet s’dua kurrë.
Ankohem, por te Zoti, e nganjëherë kur e përjetoj ndonjë (Natë të errët të shpirtit si Shën Gjoni), ankesën e shkruaj në letër, e letrën e kalli flakë dhe veç atëherë ankesa pranohet.
