25 nga 140 deputetë të Kuvendit të Shqipërisë dhanë votën pro rezolutës kundër raportit të Dick Martyt me akuzat për trafikimin me organe të qenieve njerëzore gjatë luftës në Kosovë, pretendime që burojnë nga një raport i Këshillit të Europës.
Kuvendi i Shqipërisë këtë rezolutë do ta dërgojë në Këshill të Europës dhe ka për synim që të hedhë poshtë këto akuza.
Para votimit, në seancë pati tensione dhe akuza mes pozitës dhe opozitës për rolin e tyre karshi Kosovës në periudhën e luftës, por edhe pas saj.
Sipas listës që ka publikuar Kuvendi i Shqipërisë, këta janë 15 deputetë nuk kanë marrë pjesë në votim:
Belind Këlliçi
Meri Makiçi
Flamur Noka
Edi Paloka
Orjola Pampuri
Niko Peleshi
Kastriot Pirolli
Alfred Rushaj
Agron Shehaj
Fation Veizaj
Opsioni “pa votuar” përfshin deputetin që mungon dhe deputetin që është i pranishëm, por që nuk ka votuar.
Për mungesën në votim të Sali Berishës, në Twitter ka reaguar kryeministri Edi Rama, i cili e cilësoi si të neveritshme.
“Mosvotimi dje në Kuvend nga ana e të damkosurit si NonGrata (tanimë jo vetëm nga SHBA)i rezolutës për hedhjen poshtë në mungesë totale provash të raportit të Dick Marty, është një tjetër arsye neverie për politikën pa din e iman të kinse patriotëve kundër Kosovës! FLM të tjerëve!”, ka shkruar Rama.
Kësaj deklarate të Ramës i është përgjigjur Berisha në një konferencë për media.
“Për arsye pune nuk isha, por deklarova votën pro në Kuvend. E pranova dhe thashë se do e votojmë këtë rezolutë. Kjo është e rëndësishmja. Ishte vendosur që ne si deputetë ta votojmë. Këtë e deklarova në parlament. Obligime të tjera më detyruan që të largohem. Unë e kam denoncuar raportin e Dick Martyt. E kam denoncuar në PE në Këshillin e Evropës. Ne hymë në parlament për të votuar, ai [Rama] hyri për të fshehur autorët. Në çdo seancë ne rezolutën për Kosovën do ta ngremë”, tha Berisha.
