Anëtari i Akademisë së Arteve edhe Shkencave të Serbisë Dushan Kovaçeviç në intervistën për gazetën “Kurir” vlerësoi se askush nuk do të guxojë të nënshkruajë pranimin e Kosovës, sepse do të vdes para se të thahet ngjyra e shkrimit.
Ai konsideron se çështjet e mëdha siç është çështja e Kosovës duhet të shkojnë në referendum dhe përkujton se para kësaj duhet të vijë ndryshimi i Kushtetutës, por edhe thekson kjo kurrë nuk do të kalojë dhe askush nuk do të guxojë të nënshkruajë.
Kovaçeviç duke komentuar paraqitjen e “non paper” tha se “dikush luan me letra lakmuesi, hulumton temperaturën dhe teston pulsin që nxit një letër e tillë”.
“Çdo gjë është organizuar mirë, por nga ajo nuk ka asnjë përfitim. Shumica e madhe e shqiptarëve dhe serbëve nuk do të pajtohet për asnjë marrëveshje të tillë. Nëse është kusht për rrugën e mëtejme drejtë BE pranimi i Kosovës, atëherë nuk do ketë aso rruge”, tha Kovaçeviç.
