Ditë më parë kreu i LDK-së, Isa Mustafa ka njoftuar që ka rezultuar pozitiv në testin për COVID-19 dhe për këtë shkak ai është izoluar.
Në njoftimin e tij ka thënë se përkundër rezultatit, ai ndjehej mirë.
Syri.net Kosova ka kontaktuar me zyrtarët e LDK-së, të zyrës së medieve për të parë se si është gjendja e tanishme e Mustafës, por edhe të deputetëve të infektuar nga kjo parti.
Në përgjigjen e zyrës së medieve LDK-së, thuhet se gjendja shëndetësore e Isa Mustafës është shumë e mirë.
Po njësoj edhe deputetë nga kjo parti, vazhdojnë të jenë në gjendje të mirë dhe të qëndrojnë të vetizoluar, duke i respektuar gjitha masat dhe vendimet e organeve kompetente, thuhet në përgjigjen e zyrës së medieve në LDK.
