Zyrtari i Partisë Liga Lega Nord,Vito Comencini, ka thënë se do ta shqyrtojnë edhe një herë vendimin për njohjen ndaj Kosovës pasi që po konsiderojnë se vendi është një problem i madh, teksa shton se e përkrahin Serbinë në çdo mënyrë, shkruan Gazeta Metro.
Partia Liga e udhëhequr nga Matteo Salvini pritet që të rikthehet në pushtet në Itali, dhe kur kjo do të ndodhë, zyrtarët e saj do të rishqyrtojnë vendimin për njohjen e Kosovës.
Kështu ka thënë një zyrtar i kësaj partie italiane njëherësh deputet Vito Comencini, për Telegrafin serb.
“Është e sigurt që Kosova është një problem i madh, madje për tërë Europën. Ekziston trafiku i drogës, trafikimi i organeve, terroristët islamikë, të kthyerit. Pozicioni ynë është të mbështesim Serbinë në çdo mënyrë të mundshme. Dhe, po, vendimi i njohjes. Ne patjetër do të rishikojmë Kosovën”, tha ai.
Kujtojmë se Serbia është duke bërë fushatë të ashpër për të bindur sa më shumë shtete që ta tërheqin njohjen ndaj pavarësisë së Kosovës.
Discussion about this post