Flamurtari është përkujdesur për befasin e kësaj jave në Superligë duke e mposhtur Ballkanin me rezultatin 2:1.
Pas ndeshjes, ka folur trajneri i Ballkanit, Ismet Munishi, i cili ka pritur ndeshje të vështirë ndaj Flamurtarit, ndërsa ka thënë se rrethana të çuditshme po ka në ndeshjet e Ballkanit në udhëtim.
“E kemi ditur që do të jetë vështirë. Gabuam në dy ndërprerje dhe kjo është e pafalshme pasi i kemi stërvitur ato pozita. Fusha ishte pak e rënduar, por kam pritur se do të jetë në gjendje edhe më të rëndë. Tentuam që të rikthehemi, por rrethanat ishin që kaq mundëm të bëjmë sot. Nuk dua të flas për referimin. Kur kemi luajtur jashtë ka pasur rrethana të çuditshme, jo vetëm këtu por në disa vende. Në shtëpi është më ndryshe, kemi paraqitje më dinjitoze”, ka thënë Ismet Munishi për SSK.
