Ish-këshilltari i Kadri Veselit, Blerim Latifi, thotë se janë dy opcione mbi marrëveshjen Kosovë – Serbi.
Njëri, sipas tij është opcioni optimist që thotë se Amerika është me ne dhe në fund na pret një marrëveshje e favorshme për Kosovën, ndërsa opcioni tjetër është pesimist dhe thotë se Amerika po ia mban anën Serbisë, prandaj jemi duke shkuar drejt një marrëveshje të dëmshme për Kosovën.
“Si optimistët edhe pesimistët gabojnë, sepse nuk e shohin një gjë: pozicioni aktual amerikan nuk është as kundër Serbisë, as kundër Kosovës. Është një pozicion i baraspeshuar.
Po të mos ishte i tillë, Vuçiqi nuk do të hynte kurrë në Shtëpinë e Bardhë që të bisedoj për Kosovën. Dihet se pozicionet e baraspeshuara të ndërmjetësuesve nuk rezultojnë me marrëveshje ku njëra palë fiton gjithçka dhe pala tjetër asgjë.
Ato rezultojnë me kompromise ku dy palët fitojnë dhe humbin nga diçka reciprokisht,” ka shkruar Latifi në Facebook.
