Kryetari i LDK-së Isa Mustafa pas takimit me krerët e subjekteve politike të thirrur nga Presidenti Hashim Thaçi, ka deklaruar se partia e tij LDK është e gatshme ta marrë mandatarin për Qeverinë e re.
Kreu i LDK-së ka deklaruar se aktualisht në Kosovë nuk është koha e favorshme që vendi të shkoj në zgjedhje.
“Në këto momente në Kosovë nuk duhet të shkohet në zgjedhje meqenëse jemi në kohë pandemie. Arsye tjetër ësgtë se edhe Deputetët e Kosovës janë ne fillimet e mandatit të tyre”, tha Mustafa.
Megjithatë sipas Muatafës është koha që të formohet qeveria e re që sipas tij duhet të ketë kompetenca te plota të tu marrë me procese të rëndësishme.
“Qeveria e re do të merret me dialogun me Serbin, për ekonominë, për partneritetin me SHBA-te, me proceset e liberalizimin e vizave”, tha Mustafa.
Kësisoj ai tha se partia e tij nuk është r etur për pushtet por që sipas tij per t’i shërbyer qytetarëve të Kosovës.
“Si LdK jemi shprehur qe jemi të gatshëm ta marrim këtë përgjegjësi. Jo pse jemi të etur për pushtet por qe ekzistojmë si parti Politike për t’iu shërbyer qytetarëve të Kosovës”, deklaroi më tutje Mustafa. Ai po ashtu ka njoftuar se nesër do të mblidhet edhe Kryesia e LDK për ta propozuar emrin për kryeministër.
