Një tjetër zjarr ka rënë ditën e sotme, i cili ka përfshirë portin e Bushehr-it në Iran, ku si pasojë kanë marrë flakë të paktë 7 anije, të cilat janë shkatërruar plotësisht.
Porti i Bushehr-it ndodhet në bregdetin lindor të Gjirit Persik, 430 milje në jug të kryeqytetit të Teheran-it.
Zjarri mendohet të ketë filluar të mërkurën pasdite, ku pas përpjekjeve të shumta të zjarrfikësve, nuk mundën ta shuanin atë, theksuan autoritetet e menaxhimit të krizës.
Shkaqet e zjarrit nuk dihen ende. Agjencia shtetërore e lajmeve në Iran IRNA, thekson se nuk raportohen viktima.
Incidenti i fundit është vijimi i një sërë shpërthimesh misterioze në vendet kryesore të shtetit Iranian, përfshirë këtu edhe një zjarr në bazën bërthamore në Nataz javën e kaluar dhe një shpërthim pranë objektit të zhvillimit ushtarak Parchin në Qershor.
Duket se Irani nuk po gjen qetësi, ku të martën në mbrëmje në qytetin e Lamerd-it në një fabrikë alumini u përfshi nga flakët, për fat nuk kishte viktima.
Autoritete policiore po hetojnë rastet shpërthimit të zjarreve, një pistë hetimi mund të jetë edhe ajo e zjarrvënies së qëllimshme.
