Një qytetar ka shpërndarë disa fotografi ku shihet një insekt që i ka qëlluar në një bukë, të cilën e ka blerë në një furrë.
Ai thotë se është furra e tretë në të cilën po i qëllon insekti.
Bahri Mirena madje ka ironizuar me këtë gjendje duke thënë se po gjen mish pa e porositur fare, edhe pse vet është vegjetarian.
“Nuk e di a kirmb a bubashvabe, vec gjynah bre me djege se ka shpirt edhe insketi. Tjetra eshte se ka njerez vegjetarian si une edhe t’vjen mishi pa e porosit hic. Nuk eshte hera e pare qe gjej n’buke dicka te tille. Eshte furra e trete kjo qe po e ndrroj edhe prape cdo kund njejte”, ka shkruar Mirena.
Ai ka thënë se tash e tutje po blen vetëm bukë të prerë në rriska sepse “n’kete forme shume ma lehte e identifikon naj “UFO””, ka shkruar Mirena në ‘Facebook’.
