Janis McDavid – i ftuari special për edicionin e dytë të “Activate Talks” të organizuar nga zyra e UNICEF-it në Kosovë, ka dhënë ekskluzivisht për Klan Kosovën rrëfimin e tij motivues për personat me aftësi të kufizuara.
McDavid ka thënë se është e lehtë të mendosh për gjërat negative, por secili duhet të fokusohet në përparësitë që ka.
”Momenti më i rëndësishëm ka qenë kur kam qenë 17 vjeçar sepse në vitet e mëhershme kam luftuar kundër vetes sepse s’mund ta pranoja veten si të tillë, pra kisha një betejë të madhe me vetveten. Ky është vendimi më i rëndësishëm që kam bërë në jetën time”.
”Kam marrë shumë energji dhe kam vendosur që ta pranojë gjendjen time si jam dhe mendoj që është pika më e rëndësishme në jetën time. Kam filluar të studiojë biznesin ekonominë dhe pas një kohe kam pasur një ndjenjë krejt normale”.
Janis McDavid tregoi edhe për trajtimin që atij ia bënë prindërit kur ishte fëmijë, gjë të cilën ai e vlerësoi shumë, njofton Klan Kosova.
”Kur kam qenë fëmijë nuk e kuptoja që unë jam ndryshe se fëmijët e tjerë. Prindërit e mi kanë punuar shumë me mua dhe ndërtuan një botë rreth meje që të jetë m ë e mira për mua. Karroca përpara ka qenë m e ngjyrë të verdhë. E kam dashur si fëmijë ngjyrën e bardhë”.
”Prindërit e mi kanë marrë vendime të rëndësishme. Vendimi i parë ka qenë që unë të jem sa më normal që është e mundur dhe të jem sa më i pavarur që është e mundur. Në Gjermani atë kohë kemi pasur dy sisteme të ndryshme. Për prindërit e mi ishte shumë e qartë që unë të kryeja shkollën”.
”Kur dëshiroj të pi një gotë ujë, prindërit e mbushin gotën me ujë ata më thonë ja provo pije vet. Përmes këtyre hapave unë e kam kuptuar që jam njeri normal. Në moshën 17 dhe 18 vjeçare për mua s’ka qenë fare e lehtë sepse unë gjithmonë turpërohesha. Fshihesha pas karrocës me rrota”.
Ai foli edhe për zgjedhjet e 6 tetorit në Kosovë duke theksuar edhe rëndësinë e ndryshimeve të sistemit për këtë kategori njerëzish në vend, njofton Klan Kosova.
”Shumica e njerëzve janë të brengosur për sistemin në Kosovë. Në tetor i keni zgjedhjet dhe është shumë e rëndësishme për të bërë ndryshimin. Sot isha pjesëmarrës në një bisedë aktive në kinema këtu në Prishtinë. Kjo më ka bërë përshtypje shumë të madhe se si personat me aftësi të kufizuara tentojnë të bëjnë ndryshime”.
”Në Gjermani njerëzit nuk janë aq të hapur por në kultura të tjera është pak më ndryshe. Krejt varet se a janë folës publik në Kosovë. Kjo është krejt ndryshe kur vizitoj një shtet privatisht. Gjithmonë ekziston reagimi i parë. Jam shumë i hapur jam shumë i drejtpërdrejtë”.
Intervistë e realizuar nga gazetari Besnik Tahiri.
Discussion about this post