Kandidati për deputet nga koalicioni AKK-PSD, Afrim Hoti ka thënë se në të gjithë Kosovën vërehet një energji e veçantë për koalicionin 100% Kosovë, sepse kryeministri Haradinaj me 18 muaj qeverisje ka dëshmuar që premtimet e fjalët i shndërron në vendime qeveritare.
Sipas tij, kjo energji e dëshirë për fitoren e koalicionit AAK-PSD, vërehet sidomos në Rahovec, ku AAK-së i është besuar edhe qeverisja lokale.
“Të njëjtin entuziazëm e gjetëm mbrëmë edhe në Polluzhë, Dejn, Çifllak e Kramovik. Mbështetje 100% sepse i besojnë programit e vizionit tonë. Dhe ne, si deputetë e qeveri e këtij koalicioni, programin e premtimet e dhëna do t’i vëmë në zbatim menjëherë pas 6 tetorit”, ka shkruar Hoti i cili në listën e deputetëve mban numrin 83.
Discussion about this post