Kryeministri Avdullah Hoti ka paralajmëruar se shpallja e gjendjes së jashtëzakonshme nuk është larg.
Hoti ka thënë se jemi duke shkuar drejt shpalljes së gjendjes së jashtëzakonshme, raporton Gazeta Sinjali.
“Tash jemi duke shku drejt gjendjes.. ndoshta gjendjes së jashtëzakonshme. Unë po e them hapur në këtë studio. Unë sonte kam pasur takim me Komitetin për menaxhimin e COVID-it edhe kemi diskutu shumë hapur. Mund të jetë vendim shumë jopopullor, por unë jam i gatshëm të shkoj në ekstreme për ta mbrojtur jetën e qytetarëve”, tha Hoti në Rubikon.
Hoti gjithashtu ka paralajmëruar që të dielën të mbahet një mbledhje tjetër e Komitetit për menaxhimin e situatës me COVID-19 për ta diskutuar këtë çështje
Ai tha se kufizimi edhe më rigoroz i lëvizjes së qytetarëve mund të bëhet vetëm pas shpalljes së gjendjes së jashtëzakonshme, teksa u shpreh i vetëdijshëm se ky vendim mund të krijojë pakënaqësi.
