Presidenti Hashim Thaçi ka dalë në konferencë pas takimit e parë zyrtar të tij me kryeministrin Avdullah Hoti. Në lidhje me atë se kush do ta udhëheqë dialogun, Thaçi ka thënë se Kushtetuta e tregon qartë këtë.
Në një takim që zgjati më pak se një orë, Thaçi thotë që folën për gjendjen e vendit nga pandemia dhe për rimëkëmbjen ekonomike dhe për dialogun me Serbinë.
“Koordinimin e hapave të institucioneve qoftë në rrafshin e brendshëm, qoftë të jashtëm, duke respektuar ligjet dhe kushtetutën”, u shpreh Thaçi.
“Do të punojmë ngushtë me njëri-tjetrin, si president dhe kryeministër, por edhe me Kuvendin dhe partitë politike, pozitë dhe opozitë”, tha Presidenti.
“Unë nuk jam i informuar për agjendën e z. Lajcak. Nuk është koha të hapen çështje teknike, me pretendime për normalizim të raporteve. Lajcak duhet ta kuptojë se Kosova është shtet i pavarur dhe sovrane. Nëse vjen me këtë objektivë se ky proces duhet të përmbyllet, me njohje reciproke. Çdo qasje tjetër, lirisht mund të them se është dështim i tij në Kosovë dhe i gjithë Bashkimit Evropian. Lajcak duhet ta kuptojë se qytetarët e Kosovës para së gjithash kanë nevojë për liberalizim të vizave.
“Ne kemi Kushtetutën, e cila i përcakton qartë kompetencat e secilit”, tha Thaçi, kur u pyet se a foli me Hotin kush do ta udhëheqë dialogun me Serbinë.
Presidenti Thaçi pas takimit me kryeministrin Hotin.
Kryeministri i vendit Avdullah Hoti është deklaruar pas takimit që pati me prësidentin Hashim Thaçi.
Para gazetarëve, i pari i ekzekutivit tha se i ka shpalosur presidentit platëformën për dialogun.
Këtë proces, ai tha se është e qartë që do ta udhëheq ai si kryeministër.
“Kjo cështje as që diskutohet, ështëe përcaktuar me Kushtetutë dhe në aktygjykimin e fundit të Gjykatës Kushtues”, theksoi ai.
Kryeministri i sapozgjedhur Avdullah Hoti nga Lidhja Demokratike e Kosovcës, për herë të parë në cilësinë e kreut të Qeverisë, ka shkuar për t’u takuar me presidentin, Hashim Thaçi.
Takimi ka qenë i mbyllur, përderisa u tha se për temat e takimit mediet do të njoftohen përmes komunikatave nga të dy institucionet përkatëse.
Përkundër thirrjeve të institucioneve shëndetësore që të barten maska dhe dorëza, si masë preventive kundër përhapjes së pandemisë së COVID-19, presidenti Thaçi nuk është parë të jetë i pajisur me asnjëren nga to, përkundër kryeministrit Hoti, i cili është parë me maskë.
Thaçi e Hoti ditëve të fundit kanë pasur komunikim në distancë sa i përket primatit të udhëheqjes së dialogut me Serbinë.
Përderisa Thaçi, është shprehur i bindur si ai përfaqëson vendin në arenën ndërkombëtare, Hoti ka thënë se udhëheqjen e dialogut ia garanton vendimi i Gjykatës Kushtuese.
Sot në orën 09:30, Presidenti i Republikës së Kosovës, Hashim Thaçi, pret në takim Kryeministrin e Republikës së Kosovës, Avdullah Hoti.
Takimi do të mbahet në Kabinetin e Presidentit.
