Kryeministri i Kosovës, Avdullah Hoti ka mohuar se është arritur marrëveshje mirëkuptimi në mes Kosovës dhe Serbisë për vizitat e zyrtarëve të lartë serb.
Hoti përmes një postimi në Facebook ka shkruar se këto informata janë të pavërteta.
“Informatat për arritjen e një marrëveshjeje në mirëkuptim, midis Republikës së Kosovës dhe asaj të Serbisë, për vizitat e zyrtarëve të lartë nga Serbia janë të pavërteta. Qeveria respekton marrëveshjen për lëvizjen e lirë. Por, secila kërkesë për vizitë analizohet nga institucionet kompetente para se të miratohet apo të refuzohet”, ka shkruar Hoti.https://gjc.gjirafa.com/Home/IndexR?configId=4197-2&gjid=43512207&v=2.1&guid=6a11dff87f3e44a190bbf0493849f3e6ca20c0a9945c468a80482d4b0af0b546
Ndryshe mbrëmë është raportuar se javën e kaluar Kosova dhe Serbia kanë arritur një “marrëveshje mirëkuptimi” për të pezulluar vizitat e ndërsjella, për aq kohë sa do të zgjasin gërmimet në varrezat e dyshuara masive, ku dyshohet se janë varrosur civilët shqiptarë, të vrarë gjatë luftës së fundit në Kosovë.
Zëdhënësi i BE-së për Politikë të Jashtme dhe Siguri, Peter Stano kishte konfirmuar se është arritur një pajtim i mirëbesimit, por nuk ka saktësuar për çfarë palët kanë rënë dakord.
