Kandidati për kryetar të LDK-së, Lutfi Haziri, është shprehur se ka ardhur koha që Vjosa Osmani të kthehet sërish në këtë parti.
Kur është pyetur se a ka qenë gabim i LDK-së edhe largimi i Vjosa Osmanit, nga partia, Haziri tha se asnjëherë nuk e ka parë atë jashtë LDK-së.
Ai u shpreh i bindur se njerëzit e LDK-së do të pajtohen dhe të kthehen të japin kontribut për partinë.
Haziri ka shtuar se do ta mbështesë secilin kandidat që do ta fitojë këtë post.
“Ka me qenë kuvend i cili ka me rikthy fuqinë e LDK-së e në asnjë mënyrë me dobësu atë. Nuk jam duke garuar me rivalë politikë. Brenda familjes time politike nuk shoh rivalë”, ka thënë ai.
Vjosa Osmani ishte përjashtuar nga LDK-ja vitin e kaluar pasi doli kundër prishjes së koalicionit me Lëvizjen Vetëvendosje. Ajo në këto zgjedhje ka garuar në listë të përbashkët me Lëvizjen Vetëvendosje duke marrë kështu vota më shumë se LDK-ja e PDK-ja së bashku.
