Nënkryetari i Lidhjes Demokratike të Kosovës, Lufti Haziri, e ka komentuar ardhjen e ushtruesit të detyrës së prokurorit të përgjithshëm të Amerikës, Matthew Whitaker në Kosovë me ç ‘rast ka marrë pjesë në një tubim elektoral të PDK’së.
Haziri ka deklaruar se rivalët politikë, duke aluduar kështu në PDK’në, po shpërndajnë lajme të rreme, duke sjellë në Kosovë zyrtarë të huaj, siç ishte rasti i Whitaker.
“Disa nga rivalët tanë po sjellin në Kosovë individ nga Gjermania duke e kërkua mbështetjen e tyre. Disa të tjerë madje kanë sjellë edhe nga Amerika duke përfaqësuar mbështetjen e presidentit Trumpp. Të gjitha këto na bëjnë për të qeshur”, ka thënë Haziri.
Tutje ai ka rishfaqur edhe njëherë bindjen e tij në fitoren e Vjosa Osmanit për kryeministre të vendit.
“Të gjithë po besojnë që Vjosa Osmani po fiton. Edhe rivalët tanë po besojnë që Vjosa po fiton. Disa rivalë tanë kanë fillu që ta helmojnë qytetarin e Kosovës me lajme të rrejmë. Ata po ofrojnë vetura luksoze falas, mjete materiale e me të gjitha lajme të rreme”, thuhet në videon e postuar nga Haziri.
Discussion about this post