Vlerësime të larta po i bëhen në Amerikë ish-Kryeministrit të Kosovës, Ramush Haradinaj. Ai po kalon ditë të ngjeshura me takime shumë të rëndësishme dhe të frytshme për vendin tonë, shkruan Gazeta Mejdani.
Kështu, pas takimit që pati me Mike Pompeo, Ramush Haradinaj sot është takuar edhe me mikun e madh të shqiptarëve, Kongresmenin Eliot Engel.
Përgjatë bisedës, ish-Kryeministri i Kosovës ka folur për progreset dhe sfidat e vendit tonë. Gjithashtu, në takim është folur edhe për demokracinë në Kosovë dhe gatishmërinë e dy vendeve që së bashku t’i tejkalojnë sfidat të cilat e presin Kosovën.
Postimi i plotë i Ramush Haradinaj:
Në Kongresin amerikan, drekë pune me mikun e madh të shqiptarëve dhe Kosovës, Kongresmenin Eliot Engel.
Është fat i madh që kemi Kongresmenin Engel në krah të Kosovës si mbrojtësin më të madh të shqiptarëve, Kosovës dhe kauzave tona të drejta.
Me Kongresmenin Engel biseduam për progresin dhe sfidat e Kosovës. Kemi demokraci të konsoliduar mirë dhe duhet që bashkë me ShBA të ballafaqohemi me sfidat.
RH
