Haradinaj: Është fyerje kur ata që e kanë instaluar korrupsionin thonë se do ta luftojnë atë!

Kryeministri në detyrë, Ramush Haradinaj ka vizituar sot qytetarët e Prizrenit.

Në tubimin e koalicionit AAK-PSD, Haradinaj ka folur për tema të ndryshme.

Në një moment, ai ka përmendur edhe “luftën kundër korrupsionit” nga Kadri Veseli e PDK.

“Është e pa ndershme, është mashtrim, është gati fyerje që ata që e kanë instalu, që e kanë bërë kulturë korrupsionin e nepotizmin, me na dalë si heronj që e luftojnë atë. Nuk durohet kjo, duhet t’i themi ditën e mirë”, tha Haradinaj.