Komuna e Gjilanit ka vazhduar me dezinfektimin e rrugëve lokale dhe rurale.
Kjo komunë ka vazhduar me pastrimin dhe dezinfektimin e rrugëve në fshatin Livoç i Epërm, lagjes Arbëria dhe Dardania.
“Po vazhdon pastrimi dhe dezinfektimi i të gjitha rrugëve lokale, por, edhe atyre rurale në çdo cep të Komunës së Gjilanit. Pas pastrimit dhe dezinfektimit të rrugëve nëpër shumë fshatra të Komunës së Gjilanit, u bë pastrimi dhe dezinfektimi i rrugëve në fshatin Livoç i Epërm, në Arbëri e në Dardani. Kjo po bëhet në bashkëpunim me operatorët e kontraktuar ekonomik”, ka njoftuar nënkryetari i kësaj Komune, Arbër Ismajli.
Ai ka thënë se kjo procedurë e pastrimit dhe dezinfektimit do të vazhdojë në të gjitha viset urbane dhe rurale.
