Gani Dreshaj po duket njeriu i momentit në skenën politike. Pasi i ofroi 5 hektarë tokë për ndërtimin e qendrës kosovare të xhudos, Dreshaj tani ka bërë edhe një gjest human.
Kandidati për deputet nga koalicioni AAK-Psd, ua ka blerë studentëve të Istogut e Klinës autobusin që e kishte premtuar më parë. I sapoardhur nga Gjermania, autobusi ka 72 ulëse dhe do të jetë në shërbimin e studentëve. Dreshaj ishte ankuar vazhdimisht në çmimin e lartë për transportinimin e studentëve nga Istogu e Klina dhe kishte premtuar se do t’i lirojë nga kjo pagesë që ai e quante plaçkë.
“Do të jem apo s’do jem kryetar komune, unë autobusin kam me ua siguru studentëve” kishte thënë Dreshaj. Autobusi pritet që të jetë në funksion së shpejti dhe llogaritet si një ndihmesë e madhe për studentët e asaj ane. “Të dashur qytetarë
Ndihem njeriu më i lumtur që të iu njoftoi se ka arritur nga Gjermania në Istog autobusi që e kisha premtuar më parë për studentët e Istogut.
Iu pata thënë se do të zgjedhem apo jo kryetar, unë autobusin do e sjellë sepse tërë jeten ia kam kushtuar dhe do të ia kushtojë vendit tim.
I kam kaluar të gjitha barrierat e doganimit, tani është duke u dekoruar ku do të ceket se është i dedikuar vetëm për studenta.
Studentë të dashur, autobusi që nga sot është i juaji. Unë, bashkë me juve në javët në vijim do t’i koordinojmë të gjitha procedurat, do të gjitha planet e veprimit dhe do të fillojmë së shpejti me qarkullim në relacionin Istog-Prishtinë.
Ndihmë me autobusin tonë do t’i japim edhe studentëve të Klinës të cilët varësisht nga numri do t’i marrim rrugës së dijes për në Prishtinë.
Autobusi ka 72 ulëse, është model gjerman, dhe do të jetë përherë i juaji.
Me dashurinë më të madhe për ju, Gani Dreshaj” shkruan kandidati për deputet në Facebook.
Discussion about this post