Shqiptarët që janë rreshtuar në Listën Shqiptare, kanë marrë mbështetjen e fuqishme nga institucionet kosovare dhe ato të Shqipërisë.
Si presidenti Hashim Thaçi, ashtu edhe kryeministri shqiptar Edi Rama dhe dy ministrat e Jashtëm, Gent Cakaj e Meliza Haradinaj, kanë treguar për mbështetjen e tyre të pa rezervë, duke ftuar kështu të gjithë shqiptarët që të dalin sa më shumë në zgjedhjet e së dielës, më 30 gusht.
E kjo mbështetje që e kanë marrë nga institucionet e Kosovës dhe Shqipërisë “ ua ka ngroh zemrat”, ka thënë Gjeloshaj në një intervistë ekskluzive për IndeksOnline, duke shtuar se rruga jonë e përbashkët është ajo euroatlantike.
“Mbështetja nga institucionet e Shqipërisë e Kosovës për shqiptarët në Mal të Zi është mbështetje që na ngroh zemrën. Rruga jonë e përbashkët është ajo euroatlantike, ndaj edhe duhet e do të punojmë e mbështesim fort njëri-tjetrin për prosperitetin e kombit e popujve të 3 shteteve (Shqipëri, Kosovë, Mal i Zi), për më shumë zhvillim ekonomik”, tha Gjeloshaj.
Ndryshe nesër në Mal të Zi është heshtje zgjedhore, e tek të dielën qytetarët do të mund tu drejtohen kutiave të votimit.
