Edhe pse shumëkush e ka pritur se PDK-ja e Kadri Veselit do të jetë kundërshtarja më e fuqishme e Vetëvendosjes, për befasinë e shumë qytetarëve të Kosovës, kjo nuk doli të jetë kështu. Së paku deri në këto momente. Gëzim Kelmendi po duket të jetë më i pasionuari për ta kritikuar partinë e Albin Kurtit, shkruan Gazeta Mejdani.
Kështu, kyetari i Partisë FJALA, Dr. Gëzim Kelmendi prapë ka sulmuar Vetëvendosjen. Ai nuk po mund të pajtohet me siç i ka quajtur mashtrime të Vetëvendosjes.
Sipas Dr. Kelmendit, Vetëvendosje po luan me qytetarët e Kosovës dhe me të ardhmen e saj. Mbase, thotë Kelmendi, si është e mundur të kërkoj koalicion me Isa Mustafën kur ky i fundit është akuzuar pikërisht nga Vetëvendsje për 50 afera korruptive dhe hajnish.
Kryetari i partisë FJALA e ka quajtur VV-në parti leniniste.
Postimi i plotë i Gëzim Kelmendit:
Lojë fëmijësh!
A i keni thënë Isa Mustafës ” argat i Serbisë”?!
A i keni thënë Isa Mustafës ” vrasës i Astrit Deharit”?!
A i keni thënë Isa Mustafës hajn me 50 dosje?!
E tash çka po kërkoni prej LDK-së dhe Isa Mustafës?
Po luani me votën e qytetarëve, po luani me të ardhmën e Kosovës.
Unë e di që ju të VV-së nuk e njihni shtetin e Kosovës, ndoshta dhe për këtë arsye po luani me shtetin e Kosovës.
Por e di edhe që po luani si fëmijët e lazdruar që prishin dhe shkatërrojnë çdo gjë.
E di që fitorja iu ka zënë të pa pregaditur.
Nuk po keni kuadro me udhëheq shtetin e Kosovës, keni shku në Maqedoni me kërku kuadro për poste ministrore, besa besë edhe po duket që po frikësoheni me udhëheq.
Keni mendu se me qenë në pushtet është njejtë sikur opozitë, me sha, me fy dhe me shpifë.
Shumë shpejtë qytetarët do ta kuptojnë se kush është në të vërtetë VV-ja e cila është e frymëzuar nga mësimet e Leninit.
Gëzim Kelmendi
