Ka shkuar në tre numri i të prekurve me koronavirus në Kosovë. Dy rastet e para janë konfirmuar dje.
Tash në vendin tonë numri i të prekurve nga koronavirusi. Këtë e traguan edhe Ministri i HSëndetësisë Arben Vitia nga Institutit Kombëtar të Shëndetësisë dhe nga Klinika Infektive.
Rezultatet kanë dalë pozitive edhe për një familjar të 77-vjeçarit nga Vitia.
Pas pak minutash edhe Ministria e Shëndetësisë do të mbajë konferencë për media, rreth koronavirusit.
Mbrëmë, Qeveria ka marrë vendim që t’i ndalojë hyrje-daljet në komunat Klinë dhe Viti, ku kanë banuar dy personat e infektuar.
Ndryshe, dje rreth orës 17 e 30 janë konfirmuar dy rastet e para me koronavirus në Kosovë.
Lajmi është bërë i ditur nga ministri i shëndetësisë, Arben Vitia, në një konferencë të jashtëzakonshme.
Sipas ministrit Arben Vitia, bëhet fjalë për një vajzë të moshës 20-vjeçare, shtetase e Italisë, dhe një burrë të moshës 77-vjeçare nga Komuna e Vitisë.
Në konferencën ku u konfirmuan këto dy raste, kryeministri Albin Kurti u ka bërë thirrje qytetarëve që të mos i shtrëngojnë duart me njëri-tjetrin, të qëndrojnë mbi 1 metër larg kur takohen dhe që t’i pastrojnë duart me ujë të ngrohtë mbi 30 sekonda.
‘Parandalimi është gjithcka. Le ta ruajmë veten dhe njëri-tjetrin që dy rastet e konfirmuara të mos shtohen. Të bëjmë kujdes maksimal që të mos iu bashkangjitemi vendeve të tjera që po raportojnë për mortalitet”, ka thënë Kurti në konferencë.
Ministri i Shëndetësisë, Arben Vitia, ka thënë se i prekuri me koronavirus i cili u konfirmua sot, është i afërm i pacientit nga Stublla i cili rezultoi pozitiv mbrëmë.
Bëhet fjalë për një 39 vjeçar, derisa njoftohet se është stabile gjendja e tre personave me Covid-19
“Kemi bërë maksimumin që shteti ynë të mbetet në masë të vogël i prekur nga koronavirusi. Siç jemi njoftuar edhe mbrëmë, sa po janë identifikuar rastet e para, Qeveria Kosovës ka marrë masa të reja të propozuara nga komiteti. Sot në këtë konferencë me keqardhje duhet të njoftoj për një rast të ri me koronavirus, bëhet fjalë për një të afërm të pacientit nga Stublla”, ka thënë ai.
Ai ka bërë thirrje që të zbatohen rekomandimet që kanë dalë nga institucionet.
Naser Ramadani, ka thënë se për hir të situatës së djeshme të tensionuar, kanë testuar të gjithë pacientet të cilët kanë shkuar në Klinikën Infektive.
“45 raste kemi testuar dje. 140 raste janë të testuar në total. Ne jemi në gjendje gatishmërie dhe kemi bërë të gjitha përgatitjet”, ka thënë ai.
Ai tutje ka shtuar se nga Instituti Kombëtar nga dje i janë përgjigjur mbi 500 thirrjeve nga qytetarët.
