Kjo çështja e pezullimit të angazhimit për anëtarësim në organizata ndërkombëtare dhe njohje të reja po bëhet sikurse puna e (*) fluskës së borës së Edita Tahiri. Derisa debati vazhdonte se a do të shkrihet apo nuk do të shkrihet, fusnota shtrinte rrënjët e saj thellë e më thellë, tha deputetja e LVV-së Fitore Pacolli.
Ajo shtoi se ende pa u shkrirë kjo e para këta qeveritarë ilegal kanë filluar të vendosin themelet e fusnotës së dytë atë të zotimit për pezullim të angazhimit për njohje të reja dhe anëtarësim në organizata ndërkombëtare.
Sipas Pacollit, Hoti asnjëherë nuk i është përgjigjur pyetjes së saj parlamentare se deri kur do të vazhdon pezullimi dhe cfarë dëmi që do t’i shkaktoj kjo subjektivitetit tonë ndërkombëtar.
“As ministrja me sjelljen e saj arrogante nuk është përgjigjur asnjëherë drejtë pyetjeve të deputetëve të Lëvizjes Vetëvendosje!. Ajo duke mos e kuptuar saktë efektin e deklaratës së Hotit sillej sikur nuk i interesonte fare se cfarë ka bërë shefi i saj me rëndësi ajo është ministrja dhe ajo i vendos rregullat e lojës”, tha Pacolli.
Deputetja e LVV-së, shtoi se në seancën e 23 korrikut, ministrja e Punëve të Jashtme ka deklaruar nuk e ka pezulluar asnjë aktivitet sa i përket fushëveprimtarisë së saj. E “sa për informatën” që e deputetët nuk e kishim ajo vecse kishte nënshkruar katërmbëdhjetë instrumente të aderimit në konventa ndërkombëtare, të cilat edhe i kishte depozituar. “Kështu që, edhe presim rezultatin”, na kishte thënë ministrja.
Por, ja që mininstrja Haradinaj nuk paska pritur rezultatin por qenka tërhequr. Eshtë tërhequr nga aplikimi për tu bërë nënshkruese e Konventës së Gjenevës ngase kjo qenka në kundërshtim me vet zotimin e Qeverisë Hoti. Po, është ky zotimi që ministrja bënte sikur nuk do të ndikonte fare në aktivitetet e saj.
“Ministre nuk mund të qëndroni e heshtur karshi këtij skandal. Duhet të dilni dhe të sqaroni për publikun”, tha Fitore Pacolli.
Ajo pyet pse se keni aplikuar kur e keni ditur se duhet të silleni në përputhje me zotimin vullnet mirë të z.Hoti ndaj Serbisë?
A jeni e vetëdijshme se cfarë dëmi i bënë shtetit duke aplikuar dhe duke u tërhequr pastaj në përputhje e kërkesat e Serbisë?. Pse nuk e prite rezultatin, sic na premtove neve deputetëve?
