Feronikeli ka fituar në udhëtim te Dukagjini me rezultat 2-0 në ndeshjen e vlefshme për javën e gjashtë në Ipko Superligën e Kosovës.
Pjesa e parë e ndeshjes u karakterizua me lojë të barabartë dhe raste nga të dyja skuadrat, por asnjëra nuk arriti të gjej cakun.
Rastet më të në këtë pjesë ishin ato të Altin Merlaku (3′) dhe Demiri (23′) për vendasit dhe ato të Besmir Bojku (10′) e Kastriot Rexhës (25′) për mysafirët, por asnjëri nuk përfundoi në portë.
Në pjesën e dytë, Dukagjini filloi më mirë duke tentuar një gol të shpejt të epërsisë, por pa pasur sukses.
Në vazhdim ishin mysafirët që morën lojën në dorë duke tentuar me Mendurim Hotin (50′), por goditja e tij nga afërsia shkoi mbi portë.
Tre minuta më vonë, Hoti u përkujdes të asistoj për Rexhën, i cili shënoi për 1-0.
Dukagjini në minutën e 69-të ishte shumë afër të barazoj rezultatin, por Rexha e hoqi topin nga vija e portës, ndërsa në minutat shtesë Mevlan Zeka shënoi për 2-0 dhe vulosi rezultatin përfundimtar.
Me këtë fitore, Feronikeli e sheh veten në pozitën e dytë me 12 pikë, po aq sa lideri Gjilani, ndërsa Dukagjini mbetet i fundi me vetëm një pikë.
Discussion about this post