Mërgim Berisha, sulmuesi me prejardhje nga Kosova, është në shënjestër të Fenerbahçes tani
Fenerbahçe ka vendosur që ta transferojë futbollistin nga Kosova, Mërgim Berisha, i cili është pjesë e Red Bull Salzburg.
Ndonëse Federata e Futbollit të Turqisë i ka vendosur kufizime financiare klubit nga Stambolli, nga drejtuesit kërkohet transferimi i një sulmuesi tjetër, shkruan Zëri.info.
Siç raporton “Fanatik”, Fenerbahçe e ka gjetur zgjidhjen në Austri.
Mërgim Berisha, sulmuesi me prejardhje nga Kosova, është në shënjestër të Fenerbahçes tani.
Berisha ka qenë së fundmi pjesë e Altach, ku ka shënuar shtatë gola dhe ka dhuruar tri asistime në 17 ndeshje.
Ai pritet t’i bashkohet Fenerbahçes në huazim deri në fund të këtij edicioni, me opsionin e blerjes të përhershme./Zëri.info
