Femrat që e ‘sjellin në gisht’ politikën me mend e bukuri!

Të forta, të pushtetshme, të pashme. Dinë të bëjnë politikë, por edhe të prezantojnë stil. Deri më tani mund t’i keni parë, thjesht, në televizion si politikane, por ato janë më shumë se kaq. Ju njohim me prejardhjen, profesionet dhe jetën private të tyre, shkruan “Kosovarja.

Vlora Çitaku

Vlora Çitaku është e lindur në fshatin Runik, Komuna e Skenderajt, por ka jetuar në Prishtinë, ku edhe është shkolluar e zhvilluar si politikane

Vlora ka të kryer masterin për Medie e Gazetari dhe para se të angazhohej në politikë ka punuar si gazetare dhe përkthyese për disa medie perëndimore gjatë luftës në Kosovë në periudhën 1998-1999

Ajo më herët ishte ministre e Integrimit Evropian, ish-zëvendësministre e jashtme dhe ministre e jashtme në detyrë

Ishte ministrja e dytë për Integrim Evropian që nga themelimi i kësaj ministrie në Qeverinë e Kosovës në vitin 2009

Para kësaj ajo shërbeu si ushtruese e detyrës së ministrit të Punëve të Jashtme dhe zëvendësministre e Punëve të Jashtme

Po ashtu, ka shërbyer si anëtare e Parlamentit në dy legjislatura nga radhët e Partisë Demokratike të Kosovës

Tani është ambasadore e Kosovës në Shtetet e Bashkuara të Amerikës, ku po e bën më të mirën edhe atje. Madje, pozitivisht është shumë e komentuar me paraqitjet e saj në seancat e Këshillit të Sigurimit të OKB-së

Ajo gjithmonë ka rënë në sy për stilin e saj të rafinuar dhe është e dukshme dëshira e saj për t’u dukur bukur

Edhe Vlora është vetëm, pa mashkull në krah.