Klubi i Futbollit Shkëndija nga Hajvalia i formuar në vitin 2017 deri më tani ka operuar vetëm si shkollë të futbollit, ndërsa nga ky edicion do të jetë pjesë e garave me të gjitha grupmoshat, përfshirë ekipin e parë
KF Shkëndija, tashmë ka siguruar mbështetjen e korporatës M-Technologie (pjesë e Mabetex Group) e cila do të jetë sponsor i klubit në projektin e ri.
Drejtori i klubit hajvalias, Naser Gashi, ka konfirmuar për “Zeri.info” se president i klubit do të emërohet Rrustem Pacolli.
“Rrustem Pacolli do të emërohet president i klubit. Ai momentalisht ndodhet jashtë Kosovës dhe mund të them se në ditët në vijim do të zyrtarizohet se kryetar i klubit”, ka thënë Naser Gashi.
Rrustem Pacolli është familjar i milionerit Behxhet Pacolli.
Shkëndija në edicionin e ardhshëm do t’i nis garat nga Liga e Dytë.
Krahas këtij ekipi, në fshatin Hajvali që ndodhet afër Prishtinës është themeluar edhe klubi Hajvalia 2020 që drejtohet nga këngëtari Mehedin Përgjegjaj i njohur si “Meda”.
