Përderisa deputetët e ardhshëm në Parlamentin e Kosovës, kanë zgjedhur rrjetin social Facebook t’i falenderojnë votuesit e tyre me nga një status, ka edhe të tjerë që praktikojnë mënyra të ndryshme, shkruan Gazeta Mejdani.
Kështu, njëri prej tyre kishte përzgjedhur dërgimin e mesazheve në Whatsapp, tjetri e kishte bërë nëpërmes Valës.
Megjithatë, deputeti i AAK-së, që tani për herë tëdytë do të jetë në Parlamentin e Kosovës, Bekë Berisha kishte bërë atë që se ka bërë asnjëri para tij.
Duke treguar afërsinë e tij me votuesit, gjë që kjo afërsi shihej qartë edhe përgjatë fushatës, ku ai vazhdimisht dukej i rrethuar nga qindra miq, sot ka bërë një status interesant.
I votuari i tretë më së shmti prej të gjithëve, pas Ramush e Daut Haradinaj, Bekë Berisha shkroi se ai nuk do t’i falenderojë nëpërmes llogarisë së tij në FB, por, do t’i takojë të gjithë ku një nga një do tua shpreh falenderimet.
Se a do ta realizoj këtë premtim e t’i përshëndes 11980 votuesë një nga një, pritet të shihet. Për aq sa njihet si njeri shumë i afërt me njerëz, ka shancë të madhe se këtë mund ta realizojë.
Më poshtë gjeni postimin e tij të plotë në Facebook:
Të nderuar aleancista unë do të jem deputeti juaj, vota 11980.
Nuk po ju falenderohem tani sepse do të ju takoj të gjithëve dhe do të ju falenderoj një nga një.
BB
Discussion about this post