Pas anulimit arbitrar të mbledhëjes së radhës me Qeverinë e Republikës së Kosovës, nga ana e kryeministrit të Shqipërisë, ka reaguar anëtari i kryesisë së Lëvizjes Vetëvendosje, Elvis Hoxha, njofton Kosova Post.
Ai ka thënë se, “Falë Ramës, qytetarë në Shqipëri kanë nisur ta njohin më shumë Albin Kurtin.
Ja postimi i tij i plotë.
Rama, kryeministri i shtetit që zbrazet nga njerëzit dhe prodhimi, po na bërtet gjithandej se Kosova është në rrezik. Përpiqet i gjori të vazhdojë punën e medieve të Kosovës që nuk i beson më njeri.
Natyrisht, Rama nuk bën punën që i takon si kryeministër i shtetit shqiptar.
I ngutet. Shumë i ngutet. Nuk e di se për cilën arsye, i ngutet kaq shumë.
Bukur e tha një qytetar i thjeshtë:
Edi Rama është kthyer në psherëtimën e dhimbjeve të Vuçiqit!
Falë Ramës, qytetarë në Shqipëri kanë nisur ta njohin më shumë Albin Kurtin, por sidomos rolin që duhet të ketë Republika e Shqipërisë në mbarë kombin.
