Edi Rama bënë thirrje të ndalet urgjentisht dezinformimi dhe përhapja e rrenave mbi gjendjen në Shqipëri!

Një numër jo i vogël i mediave, sidomos digjitale, po përhapin lajme të rreme rreth tërmetit në Shqipëri, shkruan Gazeta Mejdani.

Në lidhje me këto rrena, ka ndërhy kryeministri shqiptar, Edi Rama.

Ai ka thënë se do të detyrohet të ndërhyjë me forcën e ligjit, dhe t’i mbyllë të gjitha portalet që po përhapin rrena dhe lajme bombastike në lidhje me gjendjen në Shqipëri.

Shkrimi i tij i plotë:

PARALAJMËRIM

Paralajmëroj për herë të fundit, portalet e kanalet e informimit, se në kushtet dhe kuadrin ligjor të Gjendjes së Jashtëzakonshme, do të jem i detyruar të ndërhyj, forcërisht, për mbylljen e tyre deri në fund të kësaj faze dramatike, nëse vazhdojnë me publikime rrenash që përhapin panik!

Në këtë situatë të jashtëzakonshme, ku duhet matur çdo fjalë, është e patolerueshme që të publikohen sharlatanizma delirantësh, vendas a të huaj, apo të shtrembërohen prononcimet dhe shpjegimet e arsyeshme të ekspertëve, sipas avazit të zakonshëm të çdo dite të perëndisë, qëkur u shfaq flama e rrenës si epidemi digjitale dhe nisi të tkurret flaka e gazetarisë së fakteve!

STOP DHE STOP TANI! MENJËHERË!!!