Ushtruesi i detyrës së Ministrit së Punëve të Brendshme Xhelal Sveçla ka shfaqur dyshime se deputeti Behgjet Pacolli është futur në Kosovë me veturën e presidentit Hashim Thaçi.
Sveçla ka thënë se presidenti Thaçi, e ka shkelur protokollin shtetëror të martën duke shkuar në Shqipëri duke mos njoftuar Ministrinë e Punëve të Jashtme.
Sveçla është shprehur se nëse del të jetë i vërtetë raportimi se me Thaçin në Kosovë është futur deputeti Pacolli, policia do të ndërmarrë masat ndaj tij.
Sveçla ka thënë se presidenti Hashim Thaçi duhet të futet në karantinë ose vetizolim nëse vërtetohet që ka udhëtuar me liderin e AKR-së.
Ai ka kërkuar nga Pacolli që menjëherë të tregojë vendndodhjen.
