Policia e Kosovës ka konfirmuar arrestimin e Kadri Shalës, pronarin e kompanisë “LDA Group”, ku shkuan rreth 2.1 milionë eurot e shtetit nga disa transaksione ilegale.
Shala gjatë ditës është vetëdorzuar në Policinë e Kosovës.
Policia për arbresh.info thotë se ai është duke u intervistuar.
“Lidhur me rastin e poshtëshënuar, sot në Polici të Kosovës është vetedorëzuar një mashkull kosovar i cili tani është në proces të intervistimit. Policia e Kosovës të gjitha veprimet e mëtejme lidhur me rastin dhe personin në fjalë do t’i ndërmerr në konsultim dhe koordinim me prokurorin kompetent”, thuhet në përgjigjen e Policisë.
