Me anë të një postimi nga llogaria e tij në rrjetin social “Twitter”, Trumpi ka kritikuar përpjekjet e Bidenit për formimin e kabinetit.
“Pse Joe Biden po e formon kaq shpejt një kabinet kur hetuesit e mi kanë gjetur qindra-mijëra vota të manipuluara, të mjaftueshme për të «përmbysur» të paktën 4 shtete, të cilat nga ana tjetër janë më se të mjaftueshme për të fituar zgjedhjet?”, ka shkruar kreu aktual i Shtëpisë së Bardhë.
“Shpresoj që gjykatat dhe/ose ligjvënësit do të kenë guximin për të bërë atë që duhet bërë për të ruajtur integritetin e zgjedhjeve tona dhe vetë Shteteve të Bashkuara të Amerikës. Bota po shikon!”, ka potencuar ai në “Twitter”.
Ndërkaq, platforma sociale në fjalë ka vendosur etiketime paralajmëruese në këtë postim të Presidentit Trump.
