Dren Qerimi, ky djalosh nga Gjilani po bënë krenar gjithë shqiptarët. Me karakterin e tij të fortë, me punën e palodhshme e me besimin e tij të thellë në Zotin po bënë mrekulli në Amerikë, shkruan Gazeta Mejdani.
Siç shkruan ai vetë në llogarinë e tij në Facebook, Dren Qerimi sapo ka përfunduar doktoraturën ne Universitetin e Illinois-it ne Urbana-Champaign, ne departamentin e ingjnjerise nukleare, plazmatike dhe radiologjike. Me përfundimin e këtyre studimeve, Dren Qerimi ka marrë titullin Doktor i Shkencave në Fizikë Nukleare.
Ai falënderon Zotin dhe prinderit e tij, gruan dhe familjen për mbeshtetjen e vazhdueshme dhe te perhershme. Duke mos harruar të shpreh falënderime të thella edhe për mentorin e tij dhe shokët të cilët e kanë mbështetur gjatë këtij rrugëtimi akademik tejet të rëndësishëm.
Me theks të posaçëm, Dr. Qerimi përmend edhe kontributin e Faton Bislimit, më saktësisht fondacionit të tij për ndihmesën që ia ka bërë në këtë rrugëtim kaq të rëndësishëm.
“Unë kam ardhë në SHBA dhjetë vite me pare pasi qe kam fituar nje burse nga fondacioni Bislimi Group (Faton Bislimi). Ka qene nje rruge me shume sfida dhe shperblesa, por ka qene nje udhetim si asnje tjeter dhe une kam mesuar shume. Kete pune ja dedikoj vajzes sime te dashur Mira Grainca” ka shkruar Dr. Dren Qerimi.
Padyshim që kjo e arritur e Drenit ngjall ndjenjë krenarie tek të gjithë shqiptarët, admirim e vlerësim, gjithashtu përcjell departamenti për kërkime shkencore e Universitetit të Illionisit, në të cilin institucion, Dreni vazhdon të kontribuojë tanimë si profesionist i vërtetë.
Por, cili është rrugëtimi i Drenit deri në arritjen e kapjes së majave në shkence?
Kush është Dr. Dren Qerimi?
Dreni nga Gjilani, vajti në SHBA me bursë studimi në nivelin bachelor në Universitetin e Illinois-it në Urbana-Champaign.
Trajektorja e rrugetimit të Drenit e ka pikënisjen nga Gjilani, qyteti i tij i lindjës ku mbaroi shkollimin e mesëm, periudhë në të cilin ai u dallua si një aset premtues në shkenca ekzakte, duke u shpërblyer disa herë në gara të matematikës në nivel kombëtar, dhe vazhdoi studimin e tij në Prishtinë si student i rregullt në Universitetin e Prishtinës drejtimin-Ndertimtari.
Jo pse nuk i pëlqeu kjo sfidë, por shpirti i tij i etur dhe kërkues për shkencë e nxorri fitues të bursës së studimi të akorduar nga Bislimi group, përmes së cilës iu mundesua të ndjek studimet bachelor në Universitetin e Illinois-it në Urbana-Champaign, bursë e cila jo vetëm që i ndryshoi jetën, por i mundësoi të zhvillojë kërkimin shkencorë në këtë Universitet, i cili rangohet në top univeristetet më të mira në botë në shumë fusha të diciplinave inxhinierike, përfshirë në veçanti inxhinierinë nukleare.
Suksesi i tij është i pazakontë dhe mund të jetë një nga doktorantet e rallë, në mos i vetëm në trojet shqiptare që posedon titullin më të lartë shkencorë në lëminë e fizikës bërthamore, të cilin edhe Universiteti në rang kombëtar në Amerikë e cilëson si ekspert i rrallë.
Pyetjës së si është e mundur të arrihet një gjë e tillë në shtetin me zhvillim më të sofistikuar shkencorë, Dreni shprehet me modesti, se hapi i parë i çdo të riu me synime për të arritur rezultate në shkencë, është të kenë objektiv të qartë dhe të jenë ngulmues në arritjen e këtyre objektivave, vetëm me punë.
Esenciale sipas tij është që gjatë shkollës së mesme, të rinjtë duhet të studjojnë fort, në lëmine për të cilen dëshirojnë që në të ardhmen ta studjojnë dhe krahas studimit obligativ, të jenë sa më shumë aktiv në programet extra curriculare të profesionit që e duan dhe të jenë sa më të hapur dhe kërkues në fushat interdiciplinare, që të përthithin sa më shumë dijeni dhe informacion shkencore.
Dreni pohon që në fillesat e rrugëtimit të tij profesional nuk ka hezituar në asnjë moment të jetë pjesmarrës, vullnetar e kontribues në laboratorin e Universitetit edhe pse në fillim, pa njohuri të mjaftueshme paraprake, por shpejt se kjo kurajo dhe ambicie e tij për të mësuar më shumë është shpërblyer të fitoj pozitën e asistentit për kërkime shkencore, transmeton GazetaEnigma.
Një qasje e tillë përsistuese, shpejt i ka dhënë mundësi Drenit të fitoj njohuri të mjaftueshme për të qenë pjesë e punimeve dhe publikimeve shkencore, që ky laborator ka prodhuar dhe publikuar në vazhdimësi. Normalisht, që zelli dhe puna e Doktorit shqiptar është vërejtur nga profesorët, akademikët e shkencetarët e Departamentit të Universitetit të cilët falë zultateve shkencore dhe e kanë selektuar si kandidat për (Phd) doktorant të cilin titull, Dreni e ka mbrojtur me vlersim maksimal.
Dreni, në veçanti e pershkruan si jo të lehtë periudhën e shkollimit postdiplomik në fushen e inxhinierisë. Si pjesë e studimeve të doktoratës kërkohet impenjim intenziv në dizajnimin, ndërtimin dhe experimentimin e një punimi shkencore për të kontribuar esencialisht në zhvillimin e mëtejmë shkencore dhe të hulumtohen përgjgjjet e problemeve që mbartin fenomene të caktuara.
Pikërisht, përballja me shumë të panjohura kërkon që një shkencetar i ri të jetë gjatë gjithë kohës aktiv në zhvilllimin profesional dhe aktivisht të marrë pjesë në konferenca të ndryshme shkencore, si dhe të ndaj me komunitetin e shkencetarëve, gjetjet respektive dhe të këmbejë ide lidhur me zgjidhjet potenciale.
I pyetur se çfarë do të thotë ky titull për Drenin, me thjeshtësinë më të madhe, ai shprehet që titulli nuk ka ndonjë vlerë të përveçme pasi në vetëvete është vetëm një abstrakt, por e rëndësishme sipas tij, është fakti që i është dhënë mundësia të studjojë lëminë që e ka pasur ëndërr ta studjoj, të cilën ai sot e jeton duke u marrë me inxhinieri bërthamore.
Më e rëndësishme për Drenin mbetet fakti që kur përmendet emri i tij në auditoret shkencore, ai nuk harron me çdo kusht të përmendet vendin e tij të origjines, vetëm me idenë që pjesë e punës së tij shkencore të përmendet si referencë e demosdosshme, me të cilën, Kosova gjithmonë ndjehet krenar./Gazeta Mejdani/
